Халіп адзначаць у ЗША
Беларуская журналістка Ірына Халіп атрымае 20 кастрычніка ў Нью-Ёрку прэстыжную ўзнагароду Міжнароднага фонду жанчын у СМІ.
Ірына Халіп
Яна адзначаная ў намінацыі “За мужнасьць у журналістыцы”.
Разам з Ірынай ляўрэатамі сталі яе калегі — Агнэс Тайе з Камэруну і Джыле Баньягуб з Ірану. “Гэтыя цудоўныя журналісткі зрабілі свой выбар на карысьць асьвятленьня навінаў у трох краінах, дзе пошук праўды ставіць іх пад пагрозу арышту, фізычнай расправы і нават арышту”, — заявіла Джудзі Вудраф, старшыня камітэту Фонду.