“У Узбэкістане палітзьняволеным даюць і 25 гадоў”

Джафарава: “Міжнародныя праваабарончыя арганізацыі прызнаюць палітзьняволенымі ў Узбэкістане 26 вязьняў. Яны асуджаныя на падставе 159-га артыкулу, які прадугледжвае замах на Канстытуцыю. Гэта -- актывісты апазыцыйных палітычных партый, праваабаронцы, і проста тыя, хто спачуваў апазыцыі. Назаву Санджара Умарава, вядомага бізнэсоўца, які стварыў новую партыю і заявіў пра намер удзельнічацьу прэзыдэнцкіх выбарах. Сытуацыя такая, што ўлады наўпрост не абвінавачваюць у палітычнай дзейнасьці. Яны знаходзяць іншыя спосабы. Скажам, шмат хто асуджаны за мяхлярства. На судзе гэтыя справы развальваюцца, але, тым ня менш, людзей адпраўляюць у турму. Але цікава, што калі звычайна за махлярства даюць ад 8 да 12 гадоў, дык палітычным актывістам -- ад 12 да 20. А часам і 25 гадоў”.