Абама пачаў трохдзённы візыт у Маскву
Пачаўся візыт прэзыдэнта ЗША Барака Абамы ў Расею, падчас якога будуць абмяркоўвацца праблемы скарачэньня ўзбраеньняў.
Паводле расейскіх СМІ, самалёт Абамы прызямліўся ў 13.20 па маскоўскім часе (у 12.20 па Менску), пры гэтым аэрадром ўзяты ў падвоенае кола аховы ваенна-паветраных сілаў і сыстэмы СПА. СМІ паведамляюць, што расейская сыстэма СПА будзе сачыць за палётам прэзыдэнцкага “Боінгу” над тэрыторыяй Расеі; пра ступень задзейнічаньня беларускай сыстэмы СПА ў момант верагоднага пралёту над тэрыторыяй Беларусі не паведамляецца.
Перад сваім візытам Абама даў інтэрвію расейскай
“Новай газэце” (выданьне выступае з крытыкай Крамля, тут працавала забітая журналістка Ганна Паліткоўская). Мяркуецца, што выпуск з інтэрвію зьявіцца ў шапіках ў панядзелак раніцай, тэкст зьявіцца і ў Інтэрнэце. Як стала вядома, у гэтым інтэрвію Абама выказаў падтрымку намеру расейскага прэзыдэнта Мядзьведзева ўмацоўваць вяршэнства закону і будаваць у Расеі больш свабоднае грамадзтва. Адначасна, прэзыдэнт ЗША падкрэсьліў, што Вашынгтон не зьбіраецца зьмяншаць сваю пазыцыю ў пытаньні правоў чалавека дзеля паляпшэньня стасункаў з Крамлём.
Гл.таксама:
Лябедзька: новая адміністрацыя ЗША супраць зон уплывуФёдараў: Амэрыканцы не здадуць свае дэмакратычныя поглядыКароль: Візыт Абамы можа спрыяць лібэралізацыі ў БеларусіГайдукевіч: «Перазагрузкі» адносна Беларусі няма чаго чакаць