У Менск увайшлі танкі
30.06.2009 22:19
Сёньня каля 18:30 па праспэкце Незалежнасьці ад Уручча да стэлы «Горад-герой Менск» — на рэпэтыцыю параду — прайшла доўгая калёна вайсковай тэхнікі. Рух астатняга транспарту на гэты час быў перакрыты ў абодвух кірунках.
З боку Ўручча па галоўным праспэкце Менску да стэлы ў парку Перамогі, дзе пройдзе рэпэтыцыя параду, прагрукатала калёна вайсковай тэхнікі.
Жаўнеры і афіцэры былі ў параднай вопратцы.
Ад выхлапных газаў з танкаў па праспэкце распаўсюдзіўся смурод, а на асфальце і разьметцы засталіся сьляды гусеніцаў.
Калёна нясьпешліва рухалася па праспэкце праспэкце каля 20 хвілін
За вайсковай тэхнікай ехала тэхніка палівальная.