“Беларусь – адна з 20 самых несвабодных краінаў сьвету”
10.03.2009 16:51
Беларусь летась была ў дваццатцы самых несвабодных дзяржаваў сьвету. Да такой высновы прыйшлі экспэрты амэрыканскай дасьледчай арганізацыі “Freedom House”.
Штогадовая справаздача гэтай арганізацыі аб правах чалавека ў сьвеце была абнародаваная сёньня.
Ацэнкі Беларусі паводле
“Freedom House” не зьмяняюцца ўжо шмат гадоў: 7 балаў – найгоршая ацэнка стану палітычных правоў, і крыху лепшая – 6 балаў – стану грамадзянскіх свабодаў.
У дваццатцы найбольш рэпрэсіўных рэжымаў Беларусь – адзіная эўрапейская краіна. Амэрыканскі кантынэнт у дваццатцы прадстаўлены Кубай, у Азіі сярод найбольш несвабодных – постсавецкія Ўзбэкістан і Туркмэністан, Кітай, Саудаўская Арабія і ўсясьветны рэкардсмэн рэпрэсіўнасьці – Паўночная Карэя, у Афрыцы – Зымбабвэ, Судан і Лібія.