Уладзімер Арлоў: “Каляды падарылі мне цуд…”
2008 год атрымаўся ў мяне багатым на падзеі. Падзеі і змрочныя — сыход добрых знаёмых, сяброў у іншы сьвет, мае прыгоды, у выніку якіх трапіў на апэрацыйны стол…
Уладзімер Арлоў
Але прамінулы год застанецца ў маёй пісьменьніцкай біяграфіі і падзеямі сьветлымі. Сярод іх — выхад маёй аўдыёбібліятэкі.
Цягам году адна за адной выходзілі мае аўдыёкніжкі — “Час чумы”, “Адкуль наш род”, “Таямніцы полацкай гісторыі”, “Сны імпэратара”, “Паўстанцы”.
І зусім перад сьвятамі, што ўяўляецца мне калядным цудам, выйшлі вельмі дарагія мне кніжкі: “Ордэн Белай Мышы” і толькі ўчора я ўзяў у рукі кнігу сваіх вершаў “Паром празь Ля-Манш”.
За ўсё тое я вельмі ўдзячны найперш кампаніі “БелТонМэдыя”.