У. Мацкевіч: “...А партыі распусьціць”

“Я параіў бы распусьціць партыі з-за іх састарэласьці і непрацаздольнасьці. Пасьля правесьці інвэнтарызацыю людзей, якія яшчэ здольныя да працы. Зь іх стварыць адзіны рух – менавіта рух, а ня партыю – такім чынам, каб пазьбегчы ідэалягічных разыходжаньняў, бо цяпер ніякія ідэалягічныя разыходжаньні неістотныя.

Сёньня ўва ўсіх павінна быць толькі адна мэта – усталяваньне дэмакратыі і дэмакратычнага працэсу зьмены ўлады ў краіне. Левыя ці правыя, нацыяналістычныя ці не – цяпер ніякага значэньня ня маюць. Менавіта гэтыя разыходжаньні накіроўваюць гэтых дзеячоў на сваркі паміж сабою, на высьвятленьне адносінаў, а не на змаганьне з рэжымам”.