Масты: актывіста забралі ў КДБ
Мастоўскага актывіста Зьміцера Кухлея забраў з працы апоўдні супрацоўнік Камітэту дзяржаўнай бясьпекі. Пра гэта Радыё Свабода паведаміла ягоная жонка Алена
Алена Кухлей распавяла, што муж нічога не пасьпеў ёй сказаць, апроч таго, што па яго прыехаў супрацоўнік КДБ і вязе яго ў Шчучын.
Зьміцер Кухлей — дзейны дэпутат раённага Савету, працуе на прадпрыемстве “Мастоўдрэў” перакладчыкам. Сёлета ён зьбіраецца балятавацца ў дэпутаты парлямэнту па Мастоўскай выбарчай акрузе № 56. Ініцыятыўная група Зьмітра Кухлея ўжо зарэгістравана.
У Зьмітра і Алены Кухлей двое дзяцей.
Падрабязнасьці пазьней на нашым сайце.