Ля Галоўпаштамту ў Менску чыталі незалежную прэсу 
03.05.2008 13:40
У міжнародны Дзень свабоды друку ў Менску каля Галоўпаштамту адбылася акцыя Аб’яднаных дэмакратычных сілаў у падтрымку незалежнай прэсы ў Беларусі, паведамляе БелаПАН.
Мэтай акцыі, у якой прынялі ўдзел палітыкі Анатоль Лябедзька, Лявон Баршчэўскі, Юрась Губарэвіч, Віктар Івашкевіч і іншыя, было прыцягнуць увагу да сытуацыі тых СМІ, якім адмоўлена ў распаўсюджаньні “Белсаюздрукам” і “Белпоштай”.
Удзельнікі акцыі прынесьлі з сабой газэты “Народная воля” і “Наша ніва”, якія зьбіраліся раздаваць мінакам. Аднак міліцыянты папярэдзілі іх, што гэта будзе прыраўнана да несанкцыянаванага масавага мерапрыемства, таму ўдзельнікі акцыі дэманстратыўна разгарнулі газэты і пачалі іх чытаць.
Лідэр БНФ Лявон Баршчэўскі і Віктар Івашкевіч шукаюць у шапіку "Белсаюздруку" незалежныя газэты Маёр міліцыі Ўладзімер Стэпілевіч гутарыць пра “правы” зь Лявонам Баршчэўскім і Віктарам Івашкевічам Апэратар МУС здымаў прысутных увесь час Прадстаўнікі МУС сочаць за акцыяй Лявон Баршчэўскі і паэт Уладзімер Някляеў