Дэмакраты хочуць пазьбегнуць фальшаваньня выбараў
12.02.2008 11:21
Сёньня ў Менску экспэрты ў галіне выбарчага заканадаўства ад дэмакратычных сілаў пачалі складаць прапановы ў Цэнтральную выбарчую камісію.
Гэты дакумэнт грунтуецца на матэрыялах круглага стала, які прайшоў зь ініцыятывы Руху “За Свабоду” ў межах кампаніі “За свабодныя выбары”.
Кіраўнік экспэртнай групы Віктар Карняенка адзначыў:
"Мы вырашылі, што дамагацца зьменаў у Выбарчы кодэкс праз Нацыянальны сход – малапэрспэктыўная справа. Таму акцэнт у нашай працы зробім на практыку ўжываньня заканадаўства. А яе можна ўдасканаліць і праз пастановы ды мэтадычныя рэкамэндацыі ЦВК. Такім чынам, мы абазначылі праблему і стварылі орган для яе вырашэньня. Хацелася б завершыць нашу працу цягам двух тыдняў".