Горадня: першае папярэджаньне кандыдату ад Партыі БНФ
15.09.2008 18:59
Міхал Карневіч
Вадзіму Саранчукову папярэджаньне вынесьлі за плякаты, якія распаўсюдзіла партыя БНФ “Адраджэньне” зь ягоным прозьвішчам. У Акруговай камісіі палічылі, што гэтыя агітацыйныя матэрыялы надрукаваны не за дзяржаўныя сродкі, якія выдзяляюцца кожнаму кандыдату ў дэпутаты спэцыяльна на выбарчую кампанію.
Плякаты са зьместам “Партыя БНФ за сацыяльныя гарантыі”, “За эўрапэйскі выбар для Беларусі”, “За свабодны рынак” былі расклееныя ў горадзе.
Вадзім Саранчукоў лічыць, што Акруговая камісія ня мела рацыі, калі выносіла яму папярэджаньне, паколькі, на яго думку, партыя ў любы час можа свабодна рэклямаваць свае ідэі.
Вадзім Саранчукоў зьяўляецца кандыдатам ў дэпутаты па Гарадзенскай Занёманскай акрузе №49. Ён зьяўляецца кіраўніком гарадзкой арганізацыі БНФ “Адраджэньне”.
Няма камэнтароў. Дадайце свой і будзьце першы