Другое алімпійскае золата Беларусі здабыла А.Мянькова
20.08.2008 15:48
На Алімпіядзе ў Пэкіне зборная Беларусі здабыла другую залатую ўзнагароду.
У фінальнай стадыі ў кіданьні молату Аксана Мянькова паказала лепшы вынік, усталяваўшы новы алімпійскі рэкорд – 76.34 мэтра.
Яшчэ адна беларуска Дар’я Пчэльнік фінішавала чацьвёртай.
Сёньня бронзу ў скарбонку беларусаў прынёс Мурад Гайдараў. У вольнай барацьбе ён удала пазмагаўся у суцяшальным турніры за трэцяе месца.
Такім чынам, у актыве беларусаў 13 мэдалёў – два золаты, тры срэбры і восем бронзавых узнагародаў.