Лідэр чэскіх сацыял-дэмакратаў наведае Беларусь
18.08.2008 17:40
Старшыня апазыцыйнай сацыял-дэмакратычнай партыі Чэхіі Йіржы Пароўбэк зьбіраецца наведаць Беларусь.
Мэтай паездкі ёсьць падтрымка беларускіх сацыял-дэмакратаў напярэдадні восеньскіх парлямэнцкіх выбараў.
Гэты намер Й.Пароўбэк выказаў яшчэ ў траўні ў часе сустрэчы з прадстаўнікамі БСДП (Грамада), у прыватнасьці – зь Сяргеем Скрабцом.
Мяркуецца, што ён сустрэнецца ў Беларусі і з ганаровым старшынём партыі Аляксандрам Казуліным, вызваленьня якога дамагаўся разам зь лідэрамі іншых сацыял-дэмакратычных партыяў у сьвеце. Паводле Пароўбка, менавіта эўрапейскія сацыялісты найбольш спрычыніліся да вызваленьня Казуліна.
Плянуецца, што чэскі палітык правядзе некалькі сустрэчаў і ў Адміністрацыі прэзыдэнта Беларусі з мэтай выказаць падзяку за вызваленьне Казуліна і паспрыяць вызваленьню астатніх палітычных вязьняў.
Няма камэнтароў. Дадайце свой і будзьце першы