Загінуў Браніслаў Герэмэк
13.07.2008 17:05
У Польшчы ў аўтамабільнай аварыі загінуў адзін з найбольш вядомых палітыкаў гэтай краіны, легенда “Салідарнасьці”, шчыры прыхільнік справы дэмакратызацыі Беларусі, прафэсар Браніслаў Герэмэк
Браніслаў Герэмэк нарадзіўся ў 1931 годзе ў Варшаве. Гісторык. У 70-я – адзін з заснавальнікаў Камітэту абароны рабочых, потым “Салідарнасьці”.
У 90-х – лідэр кіроўнай партыі “Унія вольнасьці”, міністар замежных спраў Польшчы (1997-2000), шматгадовы дэпутат Сэйму, а ад 2004 году – эўрапейскага парлямэнту.
У 2004 годзе ў інтэрвію “Свабодзе” Браніслаў Герэмэк заявіў, што “верыць у тое, што праз 15 гадоў Беларусь будзе сябрам Эўрапейскага зьвязу”.