У Горадні будзе гатэль “Мураўёў”
01.05.2008 11:46
На Першамай гарадзенцы даведаліся, што ў горадзе будзе гатэль пад назвай “Мураўёў”.
“Беларускі народны страхавы пэнсійны фонд” перабудоўвае ў гатэль былы дом купца Мураўёва на Савецкай плошчы. Будынак у стылі “мадэрн” зьявіўся ў горадзе напярэдадні Першай сусьветнай вайны.
Аднак імя купца больш нічым не вядомае, затое добра вядома, што гарадзенскім губэрнатарам быў Мураўёў-вешальнік, які вызначыўся здушэньнем вызвольных паўстаньняў. У царскія часы існавала таксама вуліца ягонага імя (сёньняшняя вул. Ажэшкі).