Міліцыя шукае дэструктыўны зьмест у газэце “Товарищ”
18.04.2008 18:06
У Жлобіне сёньня з дазволу пракуратуры міліцыя правяла надгляд прыватнага аўтамабіля кіраўніка раённай арганізацыі ПКБ Валера Рыбчанкі.
Як паведаміў партыйны актывіст, у пастанове на надгляд лейтэнант міліцыі Тамко напісала, што, паводле інфармацыі УКГБ па Гомельскай вобласьці, у аўтамашыне можа быць “незарэгістраваная прадукцыя дэструктыўнага характару (папярэдне — з заклікамі да правядзеньня мерапрыемстваў, якія парушаюць грамадзкі парадак)”.
З багажніка легкавіка міліцыя забрала 1197 асобнікаў партыйнай газэты “Товарищ”. Ніякай іншай друкаванай прадукцыі ў актывіста не было.
Няма камэнтароў. Дадайце свой і будзьце першы