У Воранаўскім раёне затрымалі Борыс і Банцара
13.04.2008 21:29
Старшыня не прызнаванага беларускімі ўладамі Саюзу палякаў Анжаліка Борыс і рэдактар часопісу “Magazyn polski na uchodźstwie” Ігар Банцар знаходзіліся ў прыватным доме ў Радуні.
Па тэлефоне Ігар Банцар паведаміў, што ў прыватны дом прыйшлі памежнікі і міліцыянт і пачалі правяраць дакумэнты ў яго і Анжалікі Борыс. Мястэчка Радунь знаходзіцца ў памежнай зоне, і для ўезду туды патрабуецца спэцыяльны дазвол.
Са словаў Ігара Банцара, ні ён, ні Анжаліка Борыс, ні іх кіроўца такога дазволу ня мелі. Цяпер яны знаходзяцца ў пастарунку, на іх складаюць пратаколы.