Амбасада Беларусі ў ЗША працуе ў звычайным рэжыме
07.04.2008 20:29
Ці працуе кансулят амбасады Беларусі ў ЗША, ці выдаюць беларускія візы амэрыканцам? Наша карэспандэнтка зьвязалася з супрацоўніцай амбасады Беларусі ў Вашынгтоне.
“Мы працуем. Амбасада Рэспублікі Беларусі ў Злучаных Штатах у адносінах візавых пытаньняў працуе ў звычайным рэжыме і ніколі не спыняла прыём дакумэнтаў для афармленьня візаў замежным грамадзянам. Звычайная віза робіцца за 5 працоўных дзён, тэрміновая — за 3 дні. Усё як заўсёды. Звычайны працоўны рэжым”.
Карэспандэнтка: “І не спыняла сваю працу амбасада ў выдачы візаў у гэты час?”
“Не было такога, каб мы не прымалі дакумэнты”.
Карэспандэнтка: “А ці ёсьць праблема трапіць у амбасаду, ці ёсьць чэргі?”
“У нас такіх праблем няма. Па-першае, не такая вялікая колькасьць амэрыканскіх грамадзянаў жадае атрымаць візу, мы ўсе заявы разглядаем. У асноўным мы працуем зь беларускімі грамадзянамі, якія афармляюць дакумэнты для сябе. А зь візамі праблем няма”.
Няма камэнтароў. Дадайце свой і будзьце першы