Грамадзтва

Сёньня ў Горках таксама напісалі дыктоўку

Пісаць агульнанацыянальную дыктоўку сёньня ўвечары ў рэдакцыю горацкай газэты “Ўзгорак” прыйшлі дваццаць чалавек. Прадмову да зборніка Францішка Багушэвіча “Дудка беларуская” чытаў журналіст Эдуард Брокараў.

Дванаццацігадовы Віктар Брокараў быў самым маладым удзельнікам агульнанацыянальнай дыктоўкі ў Горках, а шасьцідзесяцігадовая Галіна Мікша – найстарэйшай.

Акрамя Эдуарда й Віктара Брокаравых, на дыктоўку прыйшлі зь дзецьмі Віктар Каралькоў з дачкой Марысяй, Андрэй Юркоў з дачкой Дар’яй ды Уладзімер Арлоўскі з сынам Дзімам.

На фота: наймалодшыя ўдзельнікі дыктоўкі: дванаццацігадовы Віктар Брокараў ды Дзіма Арлоўскі.