Міністар Навумаў: “Мы, як заўжды, настроеныя мірна”
25.03.2008 16:36
Міністар унутраных справаў Уладзімер Навумаў заявіў, што рэакцыя міліцыі на шэсьце апазыцыі з нагоды 90-годзьдзя заснаваньня БНР 25 сакавіка будзе залежаць “ад таго, якая зь іх боку будзе рэакцыя”.
Пры гэтым, падкрэсьліў кіраўнік МУС, “мы, як заўжды, настроеныя на самыя-самыя мірныя і канструктыўныя дзеяньні”. “Ад ступені іх (удзельнікаў акцыі) парушэньняў будзе залежаць наша рэакцыя”, — заявіў кіраўнік МУС.
Паводле яго, супрацоўнікі правахоўных органаў “цяпер робяць усе намаганьні папераджальнага і растлумачальнага характару, што ёсьць дазволены маршрут: Акадэмія навук — плошча Бангалор”.