А.Казулін: “Я дарую Лукашэнку”
28.02.2008 13:45
Аляксандар Казулін заклікаў абвясьціць 2008 год годам БНР. А таксама правесьці кангрэс усіх дэмакратычных сілаў і запрасіць на яго прадстаўнікоў рады БНР.
У асабістых адносінах з Аляксандрам Лукашэнкам Казулін заклікаў пачаць усё з чыстага ліста і забыцца на канфрантацыю. А.Казулін сказаў:
“Я дарую яму ўсё, што перажыла наша сям’я. Мы ўсе ходзім пад Богам і мусім пакладацца на яго волю”.
А.Казулін заклікаў ўсіх сесьці за стол перамоваў з уладамі і знайсьці выйсьце для захаваньня незалежнасьці краіны і пабудовы дэмакратычнай Беларусі.
А.Казулін сказаў:
“Наступіў момант ісьціны”.
А.Казулін не разьлічвае, што яго вызваляць канчаткова ўжо сёньня і ў пэрыяд да 25 сакавіка:
“Я вяртаюся ў калёнію і буду далей спакойна чакаць вырашэньня свайго лёсу”.
Ён сказаў, што на сёньняшнюю пазыцыю паўплывалі падзеі двух апошніх дзён:
“Сёньня я прачнуўся іншым чалавекам”.