А.Глеб: “Маю гонар гуляць за “Арсэнал”
26.02.2008 14:15
Беларускі футбаліст Аляксандар Глеб заявіў брытанскім мэдыям, што зьбіраецца заставацца ў “Арсэнале” працяглы час і цешыць брытанскіх заўзятараў сваёй гульнёй.
Падставай для такой заявы сталі чуткі пра набыцьцё футбаліста гішпанскім клюбам “Барсэлёна” і некаторымі іншымі.
Аляксандар Глеб сказаў: “Я маю гонар гуляць за “Арсэнал” і спадзяюся, што я буду з клюбам цягам доўгага часу”.
Футбаліст лічыць “Арсэнал” найлепшым клюбам у сьвеце. Ён кажа, што яму пашчасьціла з кіраўніцтвам і што з калегамі па камандзе ў яго склаліся цудоўныя дачыненьні.
Паводле Глебавых словаў, жаданьне пакінуць “Арсэнал” прыходзіла да яго аднойчы, пасьля першага сэзону, калі гульня была не заладзілася. Аднак у той момант яго вельмі падтрымала кіраўніцтва “Арсэналу”.
Няма камэнтароў. Дадайце свой і будзьце першы