Лінкі ўнівэрсальнага доступу

Украіна на парозе вайны, — расейскі прэм’ер


Дзьмітрый Мядзьведзеў
Дзьмітрый Мядзьведзеў

Прэм’ер-міністар Расеі Дзьмітрый Мядзьведзеў лічыць, што Ўкраіна знаходзіцца на парозе грамадзянскай вайны.

Пра гэта ён напісаў на сваёй старонцы ў Facebook.

«Ва Ўкраіне зноў пралілася кроў. Краіна ў прадчуваньні вайны. Гэта вельмі сумна», — напісаў Мядзьведзеў.

Ён адзначыў, што ўлада нават не спрабавала захаваць правапарадак у рэгіёнах краіны, калі там пачаліся захопы адміністрацыйных будынкаў.

«Такую ўладу памножылі на нуль. А нелегітымныя кіраўнікі, наадварот, спадзяюцца аднавіць той парадак, які яны самі цынічна патапталі, прыйшоўшы да ўлады ў выніку ўзброенага мяцяжу. І наступаюць на свае ж граблі. Дзеяньне нараджае процідзеяньне», — напісаў Мядзьведзеў.

Мядзьведзеў напісаў што яму «шкада людзей, якія сталі закладнікамі бяздарных палітыкаў, якіх яны не выбіралі, і безадказных радыкалаў, якія замянілі сабой паліцыю і войска».

«Пустэчу ўлады запоўніў хаос. Але няма ліха без дабра. Зараз шматлікім людзям сталі зразумелыя сапраўдныя намеры асоб, якія захапілі ўладу ў Кіеве. А значыць — стаў бачны шлях да справядлівага грамадзтва. Ён палягае ў тым, каб народ мог сам выбіраць свой лёс. Выказваць сваю волю легальнымі спосабамі. Удзельнічаць у фармаваньні сучаснай украінскай дзяржавы, заснаванай на роўнасьці народаў і іх моў. Менавіта самастойна. Без самазванцаў, нацыяналістаў і бандытаў. Бяз танкаў і БТР. І без таемных візытаў дырэктара ЦРУ», — дадаў Мядзьведзеў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG