Лінкі ўнівэрсальнага доступу

Турчынаў запатрабаваў аднавіць антытэрарыстычную апэрацыю


Аляксандар Турчынаў
Аляксандар Турчынаў

Выканальнік абавязкаў прэзыдэнта Ўкраіны, старшыня Вярхоўнай Рады Аляксандар Турчынаў патрабуе ад сілавікоў аднавіць антытэрарыстычныя мерапрыемствы на ўсходзе Ўкраіны.

Пра гэта гаворыцца ў яго заяве, распаўсюджанай вечарам 22 красавіка:

«Сёньня ля Славянска знойдзеныя целы двух па-зьверску закатаваных людзей. У адным зь іх апазналі зьніклага дэпутата Горлаўскага гарсавету, сябра партыі „Бацькаўшчына“ Ўладзімера Рыбака, якога выкралі напярэдадні тэрарысты.

Тэрарысты, ўзялі ў закладнікі фактычна ўвесь Данецкі рэгіён, перайшлі мяжу, пачаўшы катаваць і забіваць патрыётаў Украіны. Яны дзёрзка кінулі выклік ня толькі нашай краіне, але і ўсёй усясьветнай супольнасьці, калі дэманстратыўна пазьдзекаваліся над рашэньнямі, прынятымі ў Жэнэве.

Гэтыя злачынствы робяцца пры поўнай падтрымцы і патураньні Расейскай Фэдэрацыі.

Я патрабую ад сілавых структур аднаўленьня і правядзеньня дзейсных антытэрарыстычных мерапрыемстваў, накіраваных на абарону ад тэрарыстаў украінскіх грамадзянаў, якія пражываюць на ўсходзе Ўкраіны», — цытуе Турчынава «Украінская праўда».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG