Выбух здарыўся ў чацьвер позна ўвечары (а 22.17) – таксама, як і мінулы раз, недалёка ад пляцу Волі – каля фантану на вуліцы Леніна, побач зь летняй кавярняй “Эрыдан”.
Гэтае месца вельмі папулярнае ў віцебскай моладзі – там на адкрытай пляцоўцы зазвычай праходзяць дыскатэкі, і таму пераважная большасьць пацярпелых – гэта маладыя людзі прыкладна ад 16-і да 22-х гадоў.
Паводле Міністэрства ў надзвычайных сытуацыях, былі шпіталізаваныя 36 пацярпелых пры выбуху: іх адвезьлі ў гарадзкі шпіталь хуткае дапамогі і абласны клінічны шпіталь. Некалькі чалавек знаходзяцца ў цяжкім стане.
Cьведкі гавораць, што выбуховае прыстасаваньне ўяўляла сабою ёмістасьць, “начыненую” бітым шклом, цьвікамі ды іншымі дробнымі мэталёвымі прадметамі. Прыкладна такім самым чынам, паводле інфармацыі абласной міліцэйскай управы, было зробленае й тое прыстасаваньне, што выбухнула ў Віцебску 14-га верасьня.
Як заявілі ў Савеце бясьпекі Беларусі, ва ўчорашнім выбуху ў Віцебску ня выяўлена прыкмет тэрарыстычнага акту. Праваахоўчыя органы разглядаюць цяпер некалькі вэрсіяў здарэньня: хуліганскі ўчынак, або крымінальныя разборкі, або неасьцярожнае абыходжаньне з імітацыйнымі выбуховымі прыстасаваньнямі. На месцы здарэньня працуюць спэцыялісты КДБ, МУС, МНС.
© фота uvd.vitebsk.by (шрубы, сабраныя на месцы папярэдняга выбуху, 14 верасьня)
Гл. таксама Вэрсію тэрарыстычнага акту міліцыя па-ранейшаму не разглядае Савет бясьпекі: віцебскі выбух ня быў тэрарыстычным актам
Зьнешнія спасылкі Сайт Віцебскага ўпраўленьня ўнутраных справаў vitebsk.by/files/terakt.avi (.AVI-відэа, 2.2 мэгабайты)
Гэтае месца вельмі папулярнае ў віцебскай моладзі – там на адкрытай пляцоўцы зазвычай праходзяць дыскатэкі, і таму пераважная большасьць пацярпелых – гэта маладыя людзі прыкладна ад 16-і да 22-х гадоў.
Паводле Міністэрства ў надзвычайных сытуацыях, былі шпіталізаваныя 36 пацярпелых пры выбуху: іх адвезьлі ў гарадзкі шпіталь хуткае дапамогі і абласны клінічны шпіталь. Некалькі чалавек знаходзяцца ў цяжкім стане.
Cьведкі гавораць, што выбуховае прыстасаваньне ўяўляла сабою ёмістасьць, “начыненую” бітым шклом, цьвікамі ды іншымі дробнымі мэталёвымі прадметамі. Прыкладна такім самым чынам, паводле інфармацыі абласной міліцэйскай управы, было зробленае й тое прыстасаваньне, што выбухнула ў Віцебску 14-га верасьня.
Як заявілі ў Савеце бясьпекі Беларусі, ва ўчорашнім выбуху ў Віцебску ня выяўлена прыкмет тэрарыстычнага акту. Праваахоўчыя органы разглядаюць цяпер некалькі вэрсіяў здарэньня: хуліганскі ўчынак, або крымінальныя разборкі, або неасьцярожнае абыходжаньне з імітацыйнымі выбуховымі прыстасаваньнямі. На месцы здарэньня працуюць спэцыялісты КДБ, МУС, МНС.
© фота uvd.vitebsk.by (шрубы, сабраныя на месцы папярэдняга выбуху, 14 верасьня)
Гл. таксама Вэрсію тэрарыстычнага акту міліцыя па-ранейшаму не разглядае Савет бясьпекі: віцебскі выбух ня быў тэрарыстычным актам
Зьнешнія спасылкі Сайт Віцебскага ўпраўленьня ўнутраных справаў vitebsk.by/files/terakt.avi (.AVI-відэа, 2.2 мэгабайты)
