Кіраўнік маніторынгавай групы Беларускай асацыяцыі журналістаў Алесь Анціпенка падсумаваў вынікі назіраньня за асьвятленьнем тэмы мясцовых выбараў у СМІ за пэрыяд ад 18 сьнежня да 9 студзеня.
Анціпенка: “Парадаксальная сытуацыя, зь якой мы сутыкнуліся, палягае ў тым, што, нягледзячы на прыпаданьне на пэрыяд маніторынгу самай актыўнай фазы выбарчага працэсу – агітацыі, практычна ўсе мэдыі панізілі сваю ўвагу да выбараў”.
Паводле маніторынгавай групы БАЖ, кандыдаты ў дэпутаты не выступалі са сваімі выбарчымі праграмамі ў дзяржаўных мэдыях – за выключэньнем праваднога рэгіянальнага радыё. Пры гэтым час для выступаў кандыдатам даваўся ня самы зручны: альбо раніцай, альбо ўдзень, калі большасьць людзей на працы. Кожны кандыдат меў 5 хвілін эфірнага часу на выступ. Але, паводле спадара Анціпенкі, напрыклад, у Магілёве абласны выбаркам абмежаваў час выступу кандыдатаў да 3 хвілін. Затое амаль 90% эфірнага часу на першым канале БТ і на дзяржаўным радыё займалі падзеі, зьвязаныя з асобай Аляксандра Лукашэнкі.
Найбольш увагі дзяржаўныя і недзяржаўныя СМІ у гэтыя тыдні надавалі гандлёва-энэргетычнай вайне з Расеяй, а таксама калядна-навагоднім тэмам:
Анціпенка: “Я думаю, што гэта была заплянаваная палітыка, якую можна назваць дэпалітызацыяй любых выбараў у нашай краіне. Было відавочна, што недзяржаўныя мэдыі (маюцца на ўвазе газэты) дастаткова стрымана ставіліся да асьвятленьня тэмы выбараў. Думаю, прычыны тут у пэўнай самацэнзуры і ў спробе не ствараць сабе дадатковых праблем”.
Паводле Алеся Анціпенкі, у выніку тэма мясцовых выбараў у СМІ асьвятлялася няпоўна і недастаткова.
Анціпенка: “Парадаксальная сытуацыя, зь якой мы сутыкнуліся, палягае ў тым, што, нягледзячы на прыпаданьне на пэрыяд маніторынгу самай актыўнай фазы выбарчага працэсу – агітацыі, практычна ўсе мэдыі панізілі сваю ўвагу да выбараў”.
Паводле маніторынгавай групы БАЖ, кандыдаты ў дэпутаты не выступалі са сваімі выбарчымі праграмамі ў дзяржаўных мэдыях – за выключэньнем праваднога рэгіянальнага радыё. Пры гэтым час для выступаў кандыдатам даваўся ня самы зручны: альбо раніцай, альбо ўдзень, калі большасьць людзей на працы. Кожны кандыдат меў 5 хвілін эфірнага часу на выступ. Але, паводле спадара Анціпенкі, напрыклад, у Магілёве абласны выбаркам абмежаваў час выступу кандыдатаў да 3 хвілін. Затое амаль 90% эфірнага часу на першым канале БТ і на дзяржаўным радыё займалі падзеі, зьвязаныя з асобай Аляксандра Лукашэнкі.
Найбольш увагі дзяржаўныя і недзяржаўныя СМІ у гэтыя тыдні надавалі гандлёва-энэргетычнай вайне з Расеяй, а таксама калядна-навагоднім тэмам:
Анціпенка: “Я думаю, што гэта была заплянаваная палітыка, якую можна назваць дэпалітызацыяй любых выбараў у нашай краіне. Было відавочна, што недзяржаўныя мэдыі (маюцца на ўвазе газэты) дастаткова стрымана ставіліся да асьвятленьня тэмы выбараў. Думаю, прычыны тут у пэўнай самацэнзуры і ў спробе не ствараць сабе дадатковых праблем”.
Паводле Алеся Анціпенкі, у выніку тэма мясцовых выбараў у СМІ асьвятлялася няпоўна і недастаткова.