Зьмяніць памер шрыфту
| Выдрукаваць
03.05.2008
Ля Галоўпаштамту ў Менску чыталі незалежную прэсу
аўтар Радыё Свабода
У міжнародны Дзень свабоды друку ў Менску каля Галоўпаштамту адбылася акцыя Аб’яднаных дэмакратычных сілаў у падтрымку незалежнай прэсы ў Беларусі, паведамляе БелаПАН.
Мэтай акцыі, у якой прынялі ўдзел палітыкі Анатоль Лябедзька, Лявон Баршчэўскі, Юрась Губарэвіч, Віктар Івашкевіч і іншыя, было прыцягнуць увагу да сытуацыі тых СМІ, якім адмоўлена ў распаўсюджаньні “Белсаюздрукам” і “Белпоштай”.
Удзельнікі акцыі прынесьлі з сабой газэты “Народная воля” і “Наша ніва”, якія зьбіраліся раздаваць мінакам. Аднак міліцыянты папярэдзілі іх, што гэта будзе прыраўнана да несанкцыянаванага масавага мерапрыемства, таму ўдзельнікі акцыі дэманстратыўна разгарнулі газэты і пачалі іх чытаць.
Радыё Свабода © 2008 РС | Усе правы захаваныя.