Зьмяніць памер шрыфту
| Выдрукаваць
28.03.2008
Суд над Левінавым перанесены з-за стану здароўя
аўтар Радыё Свабода (Віцебск)
Суд над віцебскім праваабаронцам Паўлам Левінавым перанесены на 3 красавіка паводле патрабаваньняў мэдыкаў. Дактары хуткай дапамогі, выкліканыя ў Першамайскі райсуд Віцебска, зафіксавалі ў Левінава падвышаны ціск і засьведчылі, што гэта можа быць падставай для перанясеньня працэсу.
Перад пачаткам працэсу Левінаў зьвярнуўся з хадайніцтвам пра перанясеньня судовага пасяджэньня з прычыны ягонага дрэннага адчуваньня. Судзьдзя Алена Жук адмовілася задаволіць хадайніцтва праваабаронцы , і былі выкліканы мэдыкі.
Прадстаўнік Беларускага Хэльсынскага камітэту Павал Левінаў быў затрыманы 27 сакавіка каля кватэры незалежнага журналіста Вадзіма Баршчэўскага, у якога праводзілі ператрус. Левінаў быў адвезены ў Першамайскі РАУС нібыта за непадпарадкаваньне міліцыянтам і лаянку ў грамадзкім месцы.
Радыё Свабода © 2008 РС | Усе правы захаваныя.