Лінкі ўнівэрсальнага доступу

Франак Вячорка: У войску павінна быць узноўленая беларуская сымболіка


Франак Вячорка пасьпеў адказаць на частку пытаньняў, якія даслалі ўдзельнікі онлайн-канфэрэнцыі. Потым мабільны тэлефон быў адключаны.


Прачытаць адказы можна ТУТ.

Гл. таксама: Ф.Вячорку выпісваюць, каб не дапусьціць да онлайн-канфэрэнцыі на Свабодзе.

Радыё Свабода плянуе правесьці адну з бліжэйшых онлайн-канфэрэнцыяў з Міністэрствам абароны Рэспублікі Беларусь.

Франак Вячорка -- журналіст, мэнэджар культуры, палітык. Нарадзіўся 26 сакавіка 1988 году ў Менску. Скончыў Беларускі гуманітарны ліцэй імя Якуба Коласа — ужо ў падпольлі. Вучыўся ў БДУ на факультэце журналістыкі, у ЭГУ. За палітычную дзейнасьць выключаны з унівэрсытэту і гвалтам, у кайданках, забраны ў войска, нягледзячы на ранейшае рашэньне аб непрыдатнасьці па здароўі. Праходзіць тэрміновую службу ў частцы супрацьпаветранай абароны ў Мазыры.

У інтэрвію Радыё Свабода напярэдадні онлайн-канфэрэнцыі Франак Вячорка сказаў:

“На жаль, у маёй сытуацыі ад пачатку служба аказалася формай несправядлівага і незаконнага зьняволеньня, і я настроены змагацца. Гэта — выпрабаваньне на трываласьць і ідэйнасьць. Мне адразу прапанавалі выбар. Калі ціха сяджу, не выступаю — атрымліваю сяржанцкія лычкі, тэлефон, звальненьні, блаславеньне камандаваньня. Але я пачаў весьці дзёньнік у інтэрнэце, і гэта было пачаткам псыхалягічнай вайны. Дзёньнік я працягваю і цяпер, апублікую пасьля дэмбелю.

Адстаяў права на мову ў войску. Пераклаў статуты. Некаторыя салдаты спрабуюць размаўляць па-беларуску. У час пачалі прыходзіць беларускамоўная "Звязда", незалежная прэса.

Давялося стаць "салдацкім адвакатам": як толькі праблемы, вайсковыя ці цывільныя, зьвяртаюцца да мяне, і я дапамагаю. Адрамантавалі таксафон, часткова дазволілі мабільнікі, часам даюць законны сон пасьля начных дзяжурстваў. Да карантыну былі і звальненьні. Адрамантавалі бачкі ў туалетах і лазьню. Апроч таго, разам мы сабралі бібліятэчку, якая ўжо налічвае 200 кніжак. Салдаты сталі чытаць. Калі хварэлі, я не маўчаў. У пачатку сьнежня палова батальёну зьлегла з вострым грыпам. Ужо праз два тыдні новае захворваньне — кароста. Усё гэта сьведчыць пра недастатковыя санітарныя ўмовы ды абыякавасьць да здароўя салдатаў. Дарэчы, калі пачыналася эпідэмія грыпу, камандаваньне ўсіх гвалтоўна запісвала ў БРСМ. Гэта паказвае, якія ў каго прыярытэты”.


Гл.таксама:

Франак Вячорка зноў у шпіталі

Ф.Вячорка: У войску ўсё трымаецца на страху

Франка Вячорку прымушаюць сьпяваць па-расейску

Франак Вячорка: “Закон-адзіны для ўсіх”

Франак Вячорка і Іван Шыла. Онлайн-канфэорэнцыя (студзень 2009 )

Ніжэй Вы можаце выказаць свае меркаваньні.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG