Лінкі ўнівэрсальнага доступу

Ужо сёньня: прэзэнтацыя зборніка перакладаў Уладзімера Высоцкага


Уладзімер Высоцкі
Уладзімер Высоцкі

Падзеі 25 студзеня ў беларускай і сусьветнай гісторыі, а таксама афіша на сёньня

У дзень народзінаў Уладзімера Высоцкага паэт Міхась Булавацкі і бард Зьміцер Бартосік прэзэнтуюць зборнік перакладаў на беларускую мову твораў расейскага барда, паэта і актора.

Вокладка зборніка перакладаў Уладзімера Высоцкага «Пра жыцьцё, пра волю, пра сябе...»
Вокладка зборніка перакладаў Уладзімера Высоцкага «Пра жыцьцё, пра волю, пра сябе...»

Віцебск, арт-прастора «Торвальд» (вул. Талстога, 1).
Пачатак а 19-й гадзіне.
Уваход вольны

Дзень у гісторыі

1554 — заснаваны бразыльскі горад Сан-Паўлу.

1831 — польскі сойм абвясьціў пра скіданьне расейскага цара Мікалая І з польскага трону. У гэты дзень у Варшаве нарадзіўся лёзунг, адрасаваны расейскаму народу: «За вашу і нашу свабоду!»

1858 — падчас вясельля прускага кронпрынца Фрыдрыха і дачкі ангельскай прынцэсы Вікторыі прагучаў Вясельны марш Мэндэльсона. Пасьля гэтай цырымоніі марш атрымаў шырокую папулярнасьць.

1915 — Аляксандар Бэл правёў першы трансамэрыканскі (Нью-Ёрк — Сан-Францыска) сэанс тэлефоннай сувязі.

У гэты дзень нарадзіліся

1869 — Адам Гурыновіч, беларускі паэт.

1903 — Любоў Мазалеўская, беларуская акторка, рэжысэр, пэдагог.

1938 — Уладзімер Высоцкі, расейскі бард, паэт і актор.

1981 — Аліша Кіз, амэрыканская сьпявачка.

У памяці

1938 — памёр Тамаш Грыб, адзін зь лідэраў Беларускай партыі сацыялістаў-рэвалюцыянэраў. Пахаваны на Альшанскіх могілках у Празе.

1947 — памёр Аль Капонэ, амэрыканскі гангстэр.

Афіша. Выстава фатаздымкаў Магілёва ў 1941–1944 гг.

У Музэі гісторыі Магілёва адкрыецца фотавыстава, прысьвечаная 750-годзьдзю гораду. Большасьць здымкаў зроблена нямецкімі вайскоўцамі падчас акупацыі Магілёва ў часы Другой усясьветнай вайны.

Магілёў, Музэй гісторыі гораду (Ленінская вул., 1А).
Выстава працуе ад 10 да 18-й гадзіны.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG