Лінкі ўнівэрсальнага доступу

Кіраўнік польскага Сэнату едзе ў Менск размаўляць пра трансьляцыю тэлевізіі Polonia


Станіслаў Карчэўскі
Станіслаў Карчэўскі

Сьпікер Сэнату Польшчы Станіслаў Карчэўскі прыбывае сёньня з трохдзённым візытам у Беларусь. У панядзелак у Менску Карчэўскі сустрэнецца з Аляксандрам Лукашэнкам.

Адным з асноўных пунктаў візыту сьпікера польскага Сэнату ў Беларусь стане ратыфікацыя пагадненьня паміж польскім і беларускім урадамі аб супрацы ў галіне адукацыі. Яно датычыць абмену настаўнікаў, моладзі і студэнтаў, вывучэньня польскай мовы і навуковай супрацы.

— Мы будзем размаўляць пра легалізацыю Саюзу палякаў Беларусі, а таксама пра тое, каб маёмасьць СПБ, школы і Польскія дамы, вярнуліся да сваіх законнага ўласьніка — да ўправы Саюзу. Беларускія ўлады гатовыя вырашыць гэтую праблему, — сказаў Карчэўскі ў інтэрвію Польскаму агенцтву друку.

Падчас перамоваў у Менску будзе таксама закранацца пытаньне доступу да тэлевізіі Polonia ў Беларусі, узаемадзеяньня ў сельскагаспадарчай галіне і малым памежным руху.

У Менску з Карчэўскім сустрэнуцца прэмʼер-міністар Андрэй Кабякоў, а таксама старшыні Рады Рэспублікі і Палаты прадстаўнікоў Міхаіл Мясьніковіч і Ўладзімер Андрэйчанка.

У праграме візыту сьпікеру польскага Сэнату наведваньне Курапатаў і сустрэча з прадстаўнікамі беларускай апазыцыі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG