Лінкі ўнівэрсальнага доступу

logo-print

Замежных экспэртаў зноў спытаюць пра беларускі альбом году


Летась на прэміі Experty.by альбомам году быў названы «Thou» гурту Port Mone

Летась на прэміі Experty.by альбомам году быў названы «Thou» гурту Port Mone

Experty.bу у сярэдзіне сакавіка падвядуць вынікі сваёй чарговай прэміі. Разам са штатнымі экспэртамі і беларускімі музычнымі журналістамі альбомы праслухалі пяцёра запрошаных замежнікаў.

Беларускі музычны партал Experty.by правядзе ў сярэдзіне сакавіка ў Менску цырымонію ўручэньня ўзнагародаў, на якой будзе вызначаны Альбом году. Агулам у прэміі 10 намінацыяў. Экспэртам давялося праслухаць больш за сотню альбомаў-прэтэндэнтаў, зь якіх былі абраныя да выніковага галасаваньня 38, гаворыцца на сайце Experty.by.

У вызначэньні пераможцаў узялі ўдзел 15 беларускіх музычных журналістаў і пяцёра замежнікаў:

  • Яцэк Скалімоўскі (Newsweek, Польшча),
  • Дзьмітры Куркін (Zvuki.ru, Расея),
  • Сяргей Кейн (Comma.com.ua, Украіна),
  • Людас Закарэвічус (Manomuzika.lt, Літва) і
  • Лаурыс Анстраўтс (Intro.lv, Латвія).

Летась на прэміі Experty.by альбомам году быў названы «Thou» гурту Port Mone, ён жа атрымаў прыз вялікага журы і народных экспэртаў. Штатныя экспэрты далі прыз «Прадмове» TonqiXod, таксама названай найлепшым беларускамоўным і найлепшым рок-альбомам, а замежныя — альбому «Motherland» электроншчыка (((O))).

XS
SM
MD
LG