Лінкі ўнівэрсальнага доступу

logo-print

Літва вінаваціць Беларусь у парушэньні паветранай прасторы


Ілюстрацыйнае фота

Ілюстрацыйнае фота

Абноўлена: МЗС: беларускі бесьпілётнік не парушаў паветранай прасторы Літвы

12 жніўня Міністэрства замежных спраў Літвы ўручыла ноту пратэсту беларускаму боку з-за парушэньня дзяржаўнай мяжы паветраным суднам.

Як паведамляе прэс-служба літоўскага МЗС, паветранае судна неўстаноўленага тыпу «парушыла дзяржаўную мяжу Літоўскай Рэспублікі ў паветранай прасторы з боку Рэспублікі Беларусь».

«Службы назіраньня за паветранай прасторай зафіксавалі, што 11 жніўня 2016 году ў 10 гадзін 37 хвілін (па літоўскім часе) паветранае судна неўстаноўленага тыпу, якое прыляцела з Рэспублікі Беларусь, два разы парушыла дзяржаўную мяжу Літоўскай Рэспублікі ў паветранай прасторы каля самакіраваньня Лазьдзіяйскага раёну», — гаворыцца ў паведамленьні літоўскага МЗС.

Парушэньне паветранай прасторы працягвалася 10 хвілін.

Літоўскі бок запатрабаваў ад Беларусі як мага хутчэй даць тлумачэньні з нагоды інцыдэнту і «зрабіць усе неабходныя захады, каб у будучыні такія інцыдэнты не паўтараліся».

Прадстаўнік Зводнага штабу Літоўскай арміі капітан Томас Пакальнішкіс сказаў BNS, што «гэта мог быць і цывільны, і вайсковы, пілятаваны ці непілятаваны самалёт».

Прэс-аташэ Міністэрства абароны Літвы Аста Гальдыкайце сказала, што зьнішчальнікі паветранай паліцыі НАТО, якія нясуць дзяжурства ў Шаўляй, для суправаджэньня парушальніка не падымаліся.

Яна дадала, што цяпер вядзецца расьсьледаваньне інцыдэнту.

XS
SM
MD
LG