Злучаныя Штаты і Вялікая Брытанія нанесьлі паветраныя і марскія ўдары па вайсковых аб’ектах хусітаў у Емэне ў адказ на іх напады на судны ў Чырвоным моры ў выніку драматычнага рэгіянальнага пашырэньня вайны Ізраіля з ХАМАС у Газе.
У той час як сьведкі ў Емэне пацьвердзілі агенцтву Reuters выбухі па ўсёй краіне, прэзыдэнт Джо Байдэн папярэдзіў у сваёй заяве ўвечары ў чацьвер, што ён без ваганьняў прыме далейшыя меры ў выпадку неабходнасьці.
Некаторыя падрабязнасьці пра групоўку, якую падтрымлівае Іран.
Гісторыя
У канцы 1990-х гадоў сям’я Хуці на крайняй поўначы Емэну заснавала рух рэлігійнага адраджэньня зэйдыцкай сэкты шыіцкага ісламу, якая некалі кіравала Емэнам, але паўночная частка яе зьбяднела і маргіналізавалася.
Па меры росту супярэчнасьцяў з урадам яны вялі сэрыю партызанскіх войнаў з нацыянальнай арміяй і кароткі памежны канфлікт з суніцкай Саудаўскай Арабіяй.
Вайна ў Емэне
Вайна пачалася ў канцы 2014 году, калі хусіты захапілі Сану. Занепакоеная ростам уплыву шыіцкага Ірану ўздоўж сваёй мяжы, Саудаўская Арабія ўмяшалася ў сакавіку 2015 году на чале кааліцыі, якую падтрымлівае Захад, у падтрымку ўраду, які зьяўляецца саюзьнікам Саудаўскай Арабіі.
Хусіты ўсталявалі кантроль над большай часткай поўначы і іншымі буйнымі населенымі пунктамі, а міжнародна прызнаны ўрад знаходзіцца ў Адэне.
Емэн карыстаўся больш чым годам адноснага спакою на фоне мірных намаганьняў пад кіраўніцтвам ААН. Саудаўская Арабія вядзе перамовы з хусітамі ў спробе выйсьці з вайны.
Але напады хусітаў на Ізраіль павялічылі рызыку канфлікту для Саудаўскай Арабіі.
Напад хусітаў на Ізраіль
Хусіты кажуць, што іх напады на суднаходныя шляхі ў Чырвоным моры зьяўляюцца дэманстрацыяй падтрымкі палестынцаў і ХАМАС, ісламісцкай групоўкі, якая кантралюе Газу, у іх вайне супраць Ізраіля.
Напады хусітаў парушылі міжнародны гандаль, у выніку чаго міжнароднае суднаходзтва павінна ісьці па доўгім маршруце вакол Паўднёвай Афрыкі, каб пазьбегнуць удару. Рост кошту дастаўкі выклікае асьцярогі, што гэта можа справакаваць новую ўспышку глябальнай інфляцыі.
ЗША заявілі, што Аўстралія, Бахрэйн, Канада і Нідэрлянды падтрымалі апэрацыю супраць хусітаў і спрабавалі прадставіць авіяўдары як частку міжнародных намаганьняў у аднаўленьні свабоднага гандлю на ключавым маршруце паміж Эўропай і Азіяй, які складае каля 15% сусьветнага суднаходзтва.
Якая мэта атакаў хусітаў
Хусіты ўваходзяць у так званую «вось супраціву» — антыізраільскі і антызаходні альянс рэгіянальных узброеных груповак (ХАМАС, «Хезбала» і хусіты), які падтрымліваецца Іранам.
Лёзунг хусітаў: «Сьмерць Амэрыцы, сьмерць Ізраілю, праклён габрэям і перамога ісламу».
Сувязі з Іранам
Хусіты наладзілі сувязі з Іранам, але незразумела, наколькі глыбокія гэтыя сувязі. Кааліцыя пад кіраўніцтвам Саудаўскай Арабіі абвінавачвае Іран ва ўзбраеньні і навучаньні хусітаў, абодва абвінавачваньні ён адхіляе.
Кааліцыя таксама сьцьвярджае, што лібанская «Хезбала», якую падтрымлівае Іран, дапамагае хусітам, і гэтае абвінавачаньне адмаўляе.
У той час як Іран абараняе хусітаў як частку сваёй рэгіянальнай «восі супраціву», емэнскія экспэрты кажуць, што хусіты кіруюцца галоўным чынам унутраным парадкам дня, хаця яны падзяляюць палітычныя адносіны з Іранам і Хезбалой.
Хусіты адмаўляюць, што яны марыянэткі Ірану, і заяўляюць, што змагаюцца з карумпаванай сыстэмай.
(Арыгінальная публікацыя Reuters).
