Лінкі ўнівэрсальнага доступу

Сябра БНФ будуць судзіць за тое, што хацеў пратэставаць супраць вынікаў выбараў


Суд Аршанскага раёну і Воршы
Суд Аршанскага раёну і Воршы

12 кастрычніка ў 14.30 у судзе Аршанскага раёну і гораду Ворша будуць судзіць сябра Партыі БНФ Віталя Паўлава.

Як паведамляе прэс-служба Партыі БНФ, адміністратыўны перасьлед актывіста, якога абвінавачваюць у дробным хуліганстве, зьвязаны з падзеямі мінулых парлямэнцкіх выбараў.

Віталь Паўлаў быў затрыманы 12 верасьня, на наступны дзень пасьля выбараў, калі ішоў на аршанскі чыгуначны вакзал, каб ехаць у Менск на акцыю пратэсту. Двое міліцыянтаў, Валянцін Межусь і Руслан Папко, пад пагрозай сілы змусілі актывіста сесьці ў міліцэйскую машыну і адвезьлі ў пастарунак. Там яго двойчы абшукалі і зьмясьцілі ў камэру часовага ўтрыманьня, а затым прапанавалі азнаёміцца з пратаколам аб адміністратыўным правапарушэньні паводле артыкула 17.1 КаАП «Дробнае хуліганства».

Паводле пратаколу, напярэдадні, у дзень галасаваньня 11 верасьня, на ўчастку № 5, дзе Віталь Паўлаў прысутнічаў у якасьці назіральніка, ён нібыта нецэнзурна лаяўся і абражаў старшыню камісіі Натальлю Вайцаховіч, за што быў выдалены з участку. Пры гэтым маёр міліцыі Андрэй Лапцінскі не дазволіў фронтаўцу азнаёміцца з заявай, на падставе якой быў складзены пратакол.

Віталь Паўлаў сьцьвярджае, што ніякага правапарушэньня не ўчыняў, а адміністратыўны перасьлед стаўся вынікам ягонай спробы трапіць у Менск на вулічную акцыю «Патрабуем сапраўдных выбараў», якая адбылася 12 верасьня. Таксама Віталь Паўлаў сказаў, што ён рабіў заўвагі старшыні камісіі, якая перашкаджала назіраць за падлікам галасоў, аднак лаянкі і абразаў не выкарыстоўваў, і з участку ніхто яго не выдаляў. Памяшканьне для галасаваньня ён пакінуў пасьля закрыцьця ўчастку самастойна, разам зь іншымі назіральнікамі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG