Прэс-служба Міністэрства замежных справаў і міжнароднага разьвіцьця Францыі апублікавала заяву ў сувязі з арыштамі маніфэстантаў у Беларусі.
Францыя выказвае занепакоенасьць хваляй арыштаў, якія цяпер адбываюцца ў Беларусі і ахапілі кіраўнікоў апазыцыі, актывістаў, грамадзян, журналістаў, у сувязі зь іх удзелам у мірных дэманстрацыях.
Францыя нагадвае пра сваю прыхільнасьць свабодзе маніфэстацыяў, сходаў, асацыяцыяў і слова.
Дачыненьні паміж Эўрапейскім Зьвязам і Беларусьсю павінны грунтавацца на агульных каштоўнасьцях, у прыватнасьці, на павазе да правоў чалавека, на прынцыпах дэмакратыі і вяршэнства права.