Выканальнік абавязкаў кіраўніка Генэральнага штабу Турэччыны Уміт Дандар паведаміў, што завадатарамі спробы дзяржаўнага перавароту былі вайскоўцы з складу ваенна-паветраных сілаў Турэччыны, а таксама ваеннай паліцыі.
Паводле слоў Дундара, мяцеж увечары 15 ліпеня паднялі вайскоўцы са складу ВПС Турцыі, а таксама ваеннай паліцыі. В.а. кіраўніка Генэральнага штабу ўдакладніў, што вярхоўнае камандаваньне войска з самага пачатку пераварот не падтрымала. Таксама Дундар адзначыў, што ў ходзе перавароту змоўшчыкі захапілі многіх камандзіраў ваенных частак і павезьлі іх у невядомым кірунку.
Сярод захопленых мяцежнікамі афіцэраў быў і кіраўнік Генэральнага штабу Хулусі Акар. Цяпер ён вызвалены.
The Guаrdian са спасылкай на Дундара паведамляе пра гібель 194 чалавек у ходзе баявых сутыкненьняў паміж путчыстамі і ляяльнымі Эрдагану сіламі. Сярод іх 41 паліцэйскі, 2 салдаты, 47 грамадзянскіх і 104 мяцежнікі.
