Першая цырымонія шлюбу пройдзе ў горадзе Марыбор ў суботу. У сталіцы краіны — Любляне — пакуль яшчэ не падалі ніводнай заявы на рэгістрацыю шлюбу.
Аднаполыя пары мелі права афіцыйна аформіць свае адносіны ў рамках грамадзянскага партнэрства з 2006 году. Новы закон дазваляе ім ўступіць у шлюб.
Закон, які ўступіў у дзеяньне 24 лютага, прынялі яшчэ ў 2016 годзе, празь дзесяць месяцаў пасьля рэфэрэндуму па выніках якога гей-парам адмовілі ў праве на ўсынаўленьне. Актывісты ЛГБТ-руху заяўляюць, што для сапраўднага раўнапраўя яшчэ шмат чаго трэба зрабіць. Паводле іх, дазвол аднаполых шлюбаў без права на ўсынаўленьне і штучнае апладненьне азначае, што людзі ня роўныя ў правах.