Імя беларускага паўстанца па-беларуску напісалі на шыльдзе з назвай прыпынку грамадзкага транспарту, што ў магілёўскім пасёлку Казіміраўцы. У ім цэнтральная вуліца названая ў гонар Кастуся Каліноўскага. Раней прыпынак з назвай вуліцы быў напісаны на расейскай мове.
Рупліўцы беларушчыны дзівіліся: як гэта — імя Каліноўскага, які змагаўся супраць расейскай улады, загінуў ад яе, і падаюць па-расейску. Казіміраўку лічылі самым зрусіфікаваныя раёнам гораду. Цяпер беларускай мовы паболела.
На казіміраўскім участку менскай шашы Магілёва ўсе назвы прыпынкаў перапісалі па-беларуску, замяніўшы старыя павільёны на новыя.
У самім жа раёне сытуацыя зь беларускасьцю не зьмянілася: назвы вуліц падаюцца на расейскай мове. Таблічкі з назвай вуліцы імя Каліноўскага таксама расейскамоўныя.
