Гарадзенскі актывіст Віктар Сазонаў сёньня быў аштрафаваны на 10 базавых велічынь (1 млн 800 тысяч рублёў) паводле артыкула 23.34 КаАП (удзел у несанкцыянаванай акцыі). Актывіст сьцьвярджае, што адміністрацыйны пратакол на яго быў складзены з выкарыстаньнем фальшывых фактаў — там было напісана, што ён, акрамя Сьвіслачы, знаходзіўся яшчэ і ў Якушоўцы, хоць насамрэч яго там не было. Сьведкі-міліцыянты засьведчылі, што ён там быў, але відэа з акцыі гэтага не пацьвердзіла. Тым ня менш Сазонава ўсё роўна аштрафавалі.
Такім жа штрафам пакараны іншы гарадзенскі актывіст Эдвард Дзьмухоўскі.
