У інтэрнэце на сайце change.org можна паставіць свой подпіс пад тэкстам звароту за адмену дэкрэта Аляксандра Лукашэнкі аб дармаедах. Паводле аўтараў пэтыцыі, Дэкрэт№ 3 «парушае Канстытуцыю Рэспублікі Беларусь, Канвэнцыю № 29 аб прымусовай і абавязковай працы і Канвэнцыю № 105 аб скасаваньні прымусовай працы».
Да сярэдзіны дня 11 красавіка за адмену дэкрэта № 3 «Аб папярэджваньні сацыяльнага ўтрымальніцтва» выказаліся ўжо больш за 13 тысяч чалавек.