Лінкі ўнівэрсальнага доступу

Кіраўнік Эўрарады Туск заклікаў зачыніць балканскі маршрут для нелегалаў


Дональд Туск
Дональд Туск

Кіраўнік Эўрапейскай Рады Дональд Туск заклікаў цалкам зачыніць балканскі маршрут для нелегальных мігрантаў.

Выступаючы ў суботу перад адкрыцьцём у Вене міжнароднай сустрэчы па праблемах міграцыі, Туск заклікаў аднавіць кантроль на вонкавых межах Эўрапейскага Зьвязу — пры цесным супрацоўніцтве з балканскімі партнэрамі і Турцыяй.

Чалец Эўракамісіі па пытаньнях міграцыі Дзімітрыс Аврамопулас, са свайго боку, запатрабаваў, каб усе рашэньні Эўразьвязу грунтаваліся на прынцыпах гуманізму і павагі чалавечай годнасьці, і раскрытыкаваў эўрапейскія краіны за нежаданьне прытрымлівацца агульнай міграцыйнай палітыкі.

У саміце, які праходзіць у Вене ўдзельнічае шэраг краін Эўразьвязу, а таксама балканскія дзяржавы, якія не ўваходзяць у ЭЗ.

Удзельнікі папярэдняга саміту па праблемах міграцыі, які адбыўся сёлета ў лютым, вырашылі зачыніць маршрут перамяшчэньня нелегальных мігрантаў з Грэцыі ў Нямеччыну і Аўстрыю. Лідэры гэтых краін, якія не прыбылі на сустрэчу выказалі незадаволенасьць прынятымі мерамі: тысячы бежанцаў апынуліся блякаванымі на поўначы Грэцыі, прычым Бэрлін зноў падкрэсьліў, што закрыцьцё межаў не дапаможа ўрэгуляваць міграцыйны крызіс.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG