Лінкі ўнівэрсальнага доступу

Адвакат Віктар Мацкевіч, Аляксандар Харута і маці Аляксандра Ірына Махнач (зьлева направа) ў судзе. Менск, 1 лістапада 2016 году
Адвакат Віктар Мацкевіч, Аляксандар Харута і маці Аляксандра Ірына Махнач (зьлева направа) ў судзе. Менск, 1 лістапада 2016 году

2 гады абмежаваньня волі. Прысуд падлетку за зьбіцьцё байца АМАПу

Непаўнагадовы Аляксандар Харута прызнаны вінаватым паводле артыкулу 364 Крымінальнага кодэксу Рэспублікі Беларусь «Гвалт або пагроза гвалту ў дачыненьні да супрацоўніка органаў унутраных спраў» і засуджаны на 2 гады абмежаваньня свабоды без накіраваньня ў месцы пазбаӯленьня волі.

У судзе Цэнтральнага раёну Менску агучаны вырак па справе 17-гадовага Аляксандра Харуты, зьбітага і зьняважанага міліцыянтамі, якога яны ж абвінавацілі ў гвалце.

Аляксандар прызнаны вінаватым паводле артыкулу 364 Крымінальнага кодэксу Рэспублікі Беларусь «Гвалт або пагроза гвалту ў дачыненьні да супрацоўніка органаў унутраных спраў» і засуджаны на 2 гады абмежаваньня свабоды без накіраваньня ў месцы пазбаӯленьня волі.

18 ліпеня Аляксандар разам з такім жа непаўналетнім сябрам былі затрыманыя супрацоўнікамі АМАПу за знаходжаньне ў нецьвярозым стане ў грамадзкім месцы. Паводле падлеткаў, пры затрыманьні міліцыянты неправамерна прымянілі фізычную сілу, а па дарозе ў Цэнтральны РУУС Менску пагражалі сэксуальным гвалтам і памачыліся на твар затрыманаму. У сваю чаргу, сьледзтва сьцьвярджае, што Аляксандар «нанёс старэйшаму прапаршчыку міліцыі Шарко ня менш за адзін удар кулаком у вобласьць галавы», што і стала падставай для завядзеньня крымінальнай справы.

У Менску судзяць падлетка за зьбіцьцё АМАПу. Пракурор патрабуе 2 гады абмежаваньня волі. Жывы рэпартаж

10:37 1.11.2016

10:37 1.11.2016

Прысуд вынес судзьдзя Валеры Есьман, які раней быў у сьпісе неўязных у краіны Эўразьвязу і ЗША з прычыны ўдзелу ў рэпрэсіях грамадзкай супольнасьці Беларусі.

Валеры Есьман
Валеры Есьман

10:31 1.11.2016

Маці падсуднага патлумачыла, чаму маўчаць пра мачу

Ірына Махнач, маці Аляксандра Харуты, патлумачыла, чаму на працэсе ня згадваўся эпізод пра пагрозы сэксуальнага гвалту адносна Аляксандра і мачу:

«Бо гэты эпізод сьледзтва выдзеліла як асобны, а Сьледчы камітэт адмовіўся заводзіць справу на амапаўцаў. Наш адвакат падаў на гэта скаргу ў пракуратуру, выніку пакуль няма».

10:29 1.11.2016

Пра пагрозы сэксуальнага гвалту і мачу амапаўца ў выраку ні слова

У інтэрвію Свабодзе абвінавачаны 17-гадовы Аляксандар Харута казаў, што баец АМАПу Алег Шарко зьбіваў яго пасьля затрыманьня, пагражаў сэксуальным гвалтам і памачыўся на галаву. Але пра гэта ў судзе гаворкі не было, не знайшло гэта адлюстраваньня і ў судовым выраку.

Аляксандар Харута
Аляксандар Харута

10:27 1.11.2016
Пабіты падлеткам баец АМАПу Алег Шарко
Пабіты падлеткам баец АМАПу Алег Шарко

Пабіты амапавец на прысуд не прыйшоў

Пацярпелы Алег Шарко, цяпер ужо былы амапавец, бо пасьля інцыдэнту ён звольніўся, на абвяшчэньне прысуду не прыйшоў.

10:24 1.11.2016

Судзьдзя Есьман: Падлетак помсьціў амапаўцу

Матыў зьбіцьця байца АМАПу Шарко 17-гадовым падлеткам, паводле пастановы суду, — з помсты, маўляў, хлопец помсьціў за арышт, калі ўдарыў амапаўца Шарко.

10:15 1.11.2016

10:06 1.11.2016

2 гады «хатняй хіміі»

Судзьдзя Валер Есьман прызнаў 17-гадовага Аляксандра Харуту вінаватым у зьбіцьці байца АМАПу і пакараў яго 2 гадамі абмежаваньня волі без накіраваньня ў месцы зьняволеньня.

09:56 1.11.2016

Пацярпелы амапавец Алег Шарко.

XS
SM
MD
LG