Лінкі ўнівэрсальнага доступу

У Эгіпце разьбіўся расейскі самалёт. На борце 224 чалавекі

абноўлена

Самалёт кампаніі «Кагалымавія»
Самалёт кампаніі «Кагалымавія»

Самалёт расейскай авікампаніі «Кагалымавія» зьнік з радараў неўзабаве пасьля вылету з Шарм-эш-Шэйху сёньня раніцай.

Мясцовыя СМІ передаюць, што ён разьбіўся на Сынайскай паўвысьпе ў Эгіпце.

Інфармацыю пра крушэньне пацьвердзілі ў офісе прэм’ер-міністра Эгіпту.

На борце знаходзіліся 224 чалавекі, у тым ліку 217 пасажыраў — усе расейскіх грамадзяне.

Паводле сайту Flightradar24, які адсочвае палёты самалётаў па ўсім сьвеце, лайнэр рэзка зьнізіўся на 1,5 кілямэтра, пасьля чаго зьнік з радараў.​

Траекторыя рэйсу абрываецца над Сынайскай паўвыспай
Траекторыя рэйсу абрываецца над Сынайскай паўвыспай

13:30 Ратавальнікі чуюць галасы людзей з-пад абломкаў

Са спасылкай на прадстаўнікоў эгіпецкай службы ратаваньня, «РИА Новости» паведамляе, што з-пад абломкаў самалёта чуваць галасы людзей.

«Каманда ратавальнікаў спрабуе дабрацца да сэкцыі самалёта, дзе ёсьць пасажыры, мы спадзяёмся знайсьці жывых пасьля таго, як пачулі галасы», — паведаміў Reuters прадстаўнік ратавальных службаў.

Ратавальнікі ўжо знайшлі месца крушэньня самалёта й пачалі зьбіраць целы загінулых людзей. Авіяляйнэр цалкам разбураны.

Тым часам апублікаваны сьпіс усіх пасажыраў рэйсу Шарм-эш-Шэйх — Санкт-Пецярбург. Гэта 217 чалавек, сярод якіх 17 дзяцей, і 7 членаў экіпажу. Папярэдне паведамляецца, што гэтым рэйсам ляцелі толькі грамадзяне Расеі.

Паводле слоў ратавальнікаў, яны спрабуюць трапіць да сэкцыі самалёта, усярэдзіне якой знаходзяцца пасажыры.

Сваякі пасажыраў прыяжджаюць у пецярбурскі аэрапорт «Пулкава»

Камандзір самалёта за тыдзень некалькі разоў дакладваў пра непаладкі з рухавіком

Камандзір экіпажу самалёта «Кагалымавія», што разьбіўся ў Эгіпце, пасьля вылету дакладваў пра тэхнічную няспраўнасьць і рабіў запыт на зьмену маршруту. Таксама ён цягам тыдня некалькі разоў скардзіўся на непаладкі з рухавіком.

Пра эта піша «РИА Новости» са спасылкай на крыніцу ў Шарм-эш-Шэйху.

Таксама стала вядома, што перад вылетам самалёт даглядалі не эгіпецкія інжынэры, а расейскія. Авіякампанія «Кагалымавія» мае свой тэхнічны пэрсанал, што абслугоўвае лётны парк.

Гэта ня першая здарэньне з самалётамі «Кагалымавія». У 2010 годзе ў аэрапорце Мэшхед у Іране адбылася грубая пасадка самалёту, у выніку якой было зламанае шасі і адарвана хваставое апярэньне. 40 чалавек атрымалі траўмы.

У 2011 на самалёце «Кагалымавія» ў аэрапорце Сургутау ўсчаўся пажар. Загінулі тры пасажыры.

Беларусаў заклікаюць прыносіць кветкі да пасольтва РФ ці помнікаў Пушкіну

У сувязі з крушэньнем авіяляйнэра ў Эгіпце 1 лістапада ў Расеі — дзень жалобы.

У сацыяльных сетках беларусаў заклікаюць прыносіць сёньня кветкі да расейскага пасольства ці помнікаў Пушкіну.

На дадзены момант афіцыйна не пацьверджана, ці нехта з пасажыраў выжыў у авіякатастрофе, што здарылася ў Эгіпце ў суботу раніцай. Паводле апошняй інфармацыі, знойдзеныя целы каля 100 чалавек.

Самалёт Airbus авіякампаіі «Кагалымавія» выконваў рэйс Шарм-эш-Шэйх — Санкт-Пецярбург раніцай 31 кастрычніка. Праз 23 хвіліны пасьля вылету з самалётам была згублена сувязь і ён зьнік з радараў. У хуткім часе было пацьверджана яго крушэньне на Сынайскай паўвысьпе ў Эгіпце. На борце знаходзіліся 200 дарослых пасажыраў, 17 дзяцей, 7 членаў экіпажу. Усе — грамадзяне Расеі. Прычынай авіякатастрофы папяэднне называюцца тэхнічныя няспраўнасьці. Вядома, што цягам тыдня пілот паведамляў пра непаладкі з рухавіком. Пасьля вылету ён таксама запытваў экстранную пасадку, але потым перастаў выходзіць на сувязь.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG