Лінкі ўнівэрсальнага доступу

logo-print

У Дзень Волі віцябляне прыйшлі да Быкава і Караткевіча


Кветкі — Уладзіміру Караткевічу

Кветкі — Уладзіміру Караткевічу

Каля дзесятка чалавек, умовіўшыся праз асабістыя кантакты, сабраліся каля помніка князю Альгерду і прайшлі па цэнтры Віцебску з букетамі белых і чырвоных кветак, з паветранымі шарыкамі. Адна дзяўчына ішла зь бел-чырвона-белым сьцягам на плячох.

Гэтым разам сабраліся не «запісныя апазыцыянэры» — сябры партыйных арганізацыяў ці грамадзкіх структур, — а людзі, якія ў большасьці адзін аднаго раней ня ведалі. Так што знаёміліся проста па дарозе.

Людзі знаёмяцца каля помніка князю Альгерду

Людзі знаёмяцца каля помніка князю Альгерду

Па вуліцы Суворава

Па вуліцы Суворава

Невялікую калёну неадрыўна суправаджалі міліцыянты ў цывільным — добра вядомыя актывістам кіраўнікі тутэйшай міліцыі грамадзкай бясьпекі Аляксандар Каліноўскі і Ігар Скарыновіч, яшчэ адзін спадар «з органаў» і жанчына, якая здымала ўвесь шпацыр на відэакамэру.

Міліцыянты робяць выгляд, што вывучаюць мэню

Міліцыянты робяць выгляд, што вывучаюць мэню

Актывісты ўсклалі букет кветак да помніка князю Альгерду, рушылі да Ўсьпенскага сабору, а потым да мэмарыяльнай дошкі на будынку, дзе вучыўся Васіль Быкаў. Кветкі сюды ўскласьці праблематычна — гэта не прадугледжана канструкцыяй. Аднак актывісты штогод іх ускладаюць, караскаючыся на вышыню пад тры мэтры.

Мэмарыяльная дошка Васілю Быкаву

Мэмарыяльная дошка Васілю Быкаву

Пад «пільным вокам» відэакамэры і наглядам супрацоўнікаў міліцыі віцябляне прайшлі да помніка Ўладзімеру Караткевічу. Мяркуючы па кветках ля падножжа, яны тут сёньня былі ня першыя.

Каля помніка Караткевічу

Каля помніка Караткевічу

Актывісты ўсклалі яшчэ некалькі букетаў, а на галінку бліжэйшага дрэва прывязалі шарыкі — і гарадзкі краявід адразу стаў больш сьвяточны.

Шарыкі — у гонар сьвята Волі

Шарыкі — у гонар сьвята Волі

XS
SM
MD
LG