Лінкі ўнівэрсальнага доступу

logo-print

16 гадоў таму адбылася трагедыя на Нямізе


Юнак плача на прыступках, дзе напярэдадні загінулі людзі, 31 траўня 1999 году

Юнак плача на прыступках, дзе напярэдадні загінулі людзі, 31 траўня 1999 году

30 траўня 1999 году ў страшэннай цісканіне падчас моцнай навальніцы ў пераходзе станцыі мэтро загінулі 53 чалавекі, больш за 150 атрымалі траўмы.

Па факце гібелі людзей была распачатая крымінальная справа, аднак вінаватых улады не знайшлі. Галоўным вінаватым у трагедыі быў фактычна прызнаны «зьбег абставінаў».

Кіраўнік праваабарончай арганізацыі «Прававая дапамога насельніцтву» Алег Воўчак мяркуе, што ўлада фактычна «прыкрыла» гэтую справу, хаця была відавочная бязьдзейнасьць міліцыі:

Алег Воўчак

Алег Воўчак

«І пракуратура гэтую лінію адстойвала. Але справа мела палітычны падтэкст, і пракурорам проста не далі яе завершыць. Разам з тым, два высокія чыноўнікі — начальнік міліцыі грамадзкай бясьпекі Менгарвыканкаму Віктар Русак і начальнік аддзела масавых мерапрыемстваў Міхаіл Кандрацін — прызналі сваю віну, што нядбайна выконвалі свае службовыя абавязкі. Але асуджаныя міліцэйскія чыноўнікі не былі. Родныя ахвяраў таксама неаднаразова зьвярталіся ў суды з пазовамі да гарадзкіх уладаў, міліцыі, арганізатараў „Піўнога фэсту“ — піўзаводу „Аліварыя“, радыёстанцыі „Мір“ і кампаніі „Клас-клуб ДК“ — аднак гэтыя пазовы не былі задаволеныя.

Ці зрабілі ўлады адпаведныя высновы? Так, крыху палепшана арганізацыя мерапрыемстваў. Але ўсё адно ў зонах кантролю — масавае скопішча людзей, цісканіна. Вось і 9 траўня, падчас сьвяткаваньня Дня перамогі, перакрывалі рух, столькі было неразьбярыхі... У нас была прапанова: масавыя буйныя мерапрыемствы, сьвяты выносіць за межы гораду.

Што да дапамогі родным ахвяраў і пацярпелым у гэтай трагедыі, то ўлада пра іх ужо забылася. Як забылася і пра пацярпелых падчас выбуху ў мэтро на Кастрычніцкай».

Мэмарыяльны знак на месцы трагедыі паўстаў у выніку намаганьняў бацькоў і сваякоў загінулых. Людзі хацелі пабудаваць маленькую каплічку каля месца трагедыі, але ім не дазволілі.

XS
SM
MD
LG