Лінкі ўнівэрсальнага доступу

logo-print

Праўладны саюз журналістаў і БАЖ выказалі спачуваньне з нагоды сьмерці Шарамета


Павал Шарамет

Павал Шарамет

І праўладны, і незалежны саюз журналістаў распаўсюдзілі заявы ў сувязі са сьмерцю беларускага журналіста Паўла Шарамета сёньня раніцай у Кіеве.

Праўладны Беларускі саюз журналістаў заклікаў улады Ўкраіны ўзяць на асаблівы кантроль расьсьледаваньне гібелі Паўла Шарамета, перадае заяву БСЖ БЕЛТА.

Беларускі саюз журналістаў выказаў спачуваньне родным і блізкім нябожчыка.

«Мы таксама выказваем салідарнасьць з журналісцкай супольнасьцю Ўкраіны і гатовыя аказаць усялякую падтрымку ў справе абароны права на свабоднае выказваньне сваіх думак», — гаворыцца ў заяве.

Таксама і незалежная ГА «Беларуская асацыяцыя журналістаў» выказала спачуваньні родным і блізкім Шарамета.

«БАЖ спадзяецца, што тыя, хто пазбавіў нашага калегу жыцьця, будуць пакараныя», — сказана ў заяве.

XS
SM
MD
LG