Лінкі ўнівэрсальнага доступу

У Страсбур паляцяць двое дэпутатаў: экспэрт у пытаньнях сьмяротнага пакараньня Навумовіч і апазыцыянэрка Канапацкая


Ілюстрацыйнае фота. Будынак Парлямэнцкай асамблеі Рады Эўропы ў Страсбуры
Ілюстрацыйнае фота. Будынак Парлямэнцкай асамблеі Рады Эўропы ў Страсбуры

Пра гэта Свабодзе сёньня паведаміў старшыня камісіі ў міжнародных справах Палаты прадстаўнікоў Валеры Варанецкі, былы намесьнік міністра замежных спраў Беларусі:

Валеры Варанецкі
Валеры Варанецкі

«24 студзеня Камісія па палітычных пытаньнях і дэмакратыі Парлямэнцкай асамблеі Рады Эўропы ў Страсбуры праводзіць сваё пасяджэньне. Сярод шэрагу пытаньняў, якія плянуюць разгледзіць эўрадэпутаты, ёсьць і пра дачыненьні Парлямэнцкай асамблеі зь Беларусьсю. Некаторыя назвалі гэтае мерапрыемства слуханьнямі па Беларусі. Але гэта не зусім дакладна. 24 студзеня будзе звычайнае абмеркаваньне сытуацыі.

На яго ПАРЭ запрасіла двух дэпутатаў з Палаты прадстаўнікоў. Пэрсанальных запрашэньняў у Страсбур не было. Таму мы разглядалі гэтае пытаньне на радзе Палаты прадстаўнікоў. Спыніліся на дзьвюх кандыдатурах. Першая — гэта Андрэй Навумовіч. Ён кіраўнік рабочай групы Палаты прадстаўнікоў у пытаньнях сьмяротнага пакараньня. Мы думаем, што гэтая праблема будзе адной з самых галоўных пры дыскусіі. Таму і вырашылі накіраваць чалавека, які найлепш валодае тэмай. Другая — дэпутатка Ганна Канапацкая. Чаму менавіта яна? Таму што яе погляды на многія рэчы, скажам так, у пэўнай ступені адрозьніваюцца ад поглядаў іншых дэпутатаў. Няхай эўрадэпутаты пачуюць розныя думкі».

У Парлямэнцкую асамблею Рады Эўропы ўваходзяць 47 краінаў. Яны прадстаўленыя тут 318 дэпутатамі. Парлямэнт Рэспублікі Беларусь меў у ПАРЭ статус «спэцыяльна запрошанага». Аднак у студзені 1997 году Беларусь пазбавілі гэтага статусу. Падставай для такога рашэньня сталі шматлікія парушэньні пры правядзеньні так званага рэфэрэндуму ў лістападзе 1996 году.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG