20 кастрычніка ў Вашынгтоне прайшла рабочая сустрэча прадстаўнікоў міністэрстваў абароны Беларусі і ЗША ў пытаньнях разьвіцьця двухбаковага вайсковага супрацоўніцтва.
Падчас сустрэчы бакі абмеркавалі «пэрспэктыўныя кірункі беларуска-амэрыканскага ўзаемадзеяньня ў вайсковай сфэры», паведамляе сайт беларускага Міністэрства абароны.
«Асноўным вынікам сустрэчы стала падпісаньне сумеснай заявы аб супрацоўніцтве паміж Міністэрствам абароны Рэспублікі Беларусь і Міністэрствам абароны Злучаных Штатаў Амэрыкі і пляну двухбаковага ваеннага супрацоўніцтва на 2017 год», — адзначылі ў Міністэрстве абароны.