Лінкі ўнівэрсальнага доступу

Былы палітвязень Пальчыс атрымаў «ліст шчасьця»: Улады павінны мяне прэміяваць, а не спаганяць падатак


Эдуард Пальчыс
Эдуард Пальчыс

Блогер Эдуард Пальчыс напісаў у сваім Фэйсбуку, што атрымаў «паперку за дармаедзтва».

«Прыйшло паведамленьне пра неабходнасьць сплаціць падатак на „дармаедзтва“ за 2015 год. Відаць, высылаюць усім, нягледзячы на абставіны кожнага канкрэтнага чалавека і прычыны, чаму ён не працаваў», — сказаў ён Свабодзе.

Эдуард Пальчыс дадаў, што калі яго затрымалі на пачатку траўня 2015 году, ён акурат займаўся працаўладкаваньнем.

«Пасьля пачалася крымінальная справа, і зразумела, што я не працаваў. Відаць, з гэтай прычыны мяне і запісалі ў «дармаеды».

Пальчыс сказаў Свабодзе, што плаціць падатак не зьбіраецца і разам зь юрыстамі будзе шукаць, як даказаць, што знаходзячыся ў турме, ён не павінен быў «удзельнічаць у фінансаваньні дзяржаўных выдаткаў».

«Плаціць я не павінен, згодна з усімі парамэтрамі. Таму настроены змагацца ўсімі спосабамі супраць гэтага падатку».

У сваім Фэйсбуку Эдуард Пальчыс пажартаваў, што дзяржава павінна не спаганяць зь яго падатак, а наадварот — выдаць прэмію. Бо «ў дзяржаўны бюджэт паступіла мноства тысяч даляраў дзякуючы судовым штрафаў за акцыі салідарнасьці каля Менскага гарадзкога суду».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG